TAP Rikonstrukton Ujësjellësin e Mbrostarit

Fier, Albania. In March 2018, the Trans Adriatic Pipeline (TAP) completed the reconstruction of the Mbrostar water supply system in the Municipality of Fier. The new water supply system – an investment amounting to approximately €556,500 – now serves more than 10,000 residents in six villages in this region.

Rikonstruksioni i ujësjellësit të Mbrostarit i ka dhënë zgjidhje problemit me mungesën e ujit në rubinetet e fshatrave Petovë, Makaj, Verri, Kallm, Mojalli dhe Mbrostar. Falë investimit të TAP, i gjithë rrjeti mëparshëm i amortizuar është zëvendësuar nga e para me tubacion polietileni. Gjithashtu, për të rritur kapaciteti furnizues i ujësjellësit, janë  hapur dy puse të reja dhe është rehabilituar depo e ujit në Petovë.

Lindita Sotiri, Këshilltare në Ministrinë e Infrastrukturës dhe Energjisë për Çështjet e Ujit tha: “Falë këtij investimi iu dha zgjidhje një problemi të kahershëm të këtij komuniteti. Jam e bindur që investime të ngjashme do të kemi edhe në të ardhmen jo vetëm në Bashkinë e Fierit por edhe në bashkitë e tjera përgjatë gjurmës së TAP në Shqipëri.  Ministria e Infrastrukturës dhe Energjisë do të mbështesë investimet e TAP që ndikojnë në përmirësimin e kushteve të jetesës së komuniteteve.”

Drejtori i Ujësjellësit të Mbrostarit, Pirro Ndreu, lidhur me këtë rikonstruksion u shpreh: “Pas shumë vitesh mund të themi që e kemi zgjidhur problemin me mungesën e ujit në shtëpitë e fshatrave të kësaj zone. Madje për disa shtëpi të fshatit Kallm është hera e parë që uji u vjen në rubinetet e shtëpisë. Për këtë i jemi shumë mirënjohës TAP.”

Menaxheri i Përkohshëm i TAP për Shqipërinë, Michele Elia gjatë përurimit të ujësjellësit të Mbrostarit u shpreh: “TAP po mbështet zhvillimin e komuniteteve përgjatë gjurmës së gazsjellësit me një sërë investimesh në infrastrukturë. Ujësjellësi i Mbrostarit është një prej investimeve Sociale dhe Mjedisore në Bashkinë e Fierit që i përmirësoi jetesën mbi 10’000 banorëve. Edhe në të ardhmen, në partneritet me Ministrinë e Infrastrukturës dhe Energjisë dhe qeverisjen vendore ne do të jemi në krah të zhvillimit të komuniteteve.”

Ujësjellësi i Mbrostarit ka një rrjet tubacioni prej rreth 13 kilometrash. Në përbërje të ujësjellësit janë 2 puse me kapacitet total prej 1’200 m³/ditë, 1 depo uji me kapacitet 250 m³ dhe ambientet e trajtimit të ujit të pijshëm, përfshirë sistemi automatik i klorinimit. Rikonstruksioni i plotë i ujësjellësit të Mbrostarit është pjesë e Investimeve Sociale dhe Mjedisore të TAP në Shqipëri. Ky është një projekt krejtësisht i financuar nga TAP, duke përfshirë punimet, supervizimin dhe kontratën e menaxhimit.

Punimet për rikonstruksionin e ujësjellësit të Mbrostarit zgjatën afërsisht 6 muaj dhe për realizimin e tyre u punësuan rreth 50 persona. Zbatimi i projektit u realizua nga shoqëria ndërtuese shqiptare Albstar e supervizuar nga shoqëria Abkons, që është kontraktori i TAP për menaxhimin e Investimeve Sociale dhe Mjedisore në Shqipëri.