Linja e Integritetit

Është kritike që TAP-i të ruajë reputacion të padiskutueshëm dhe që të konsiderohet vazhdimisht si partner profesional dhe i besueshëm nga klientët, furnitorët dhe palët e tjera të interesit.

Duke marrë parasysh legjislacionin përkatës për sinjalizimin, TAP po e vendos Linjën e Integritetit - një kanal i pavarur informues- në dispozicion të të gjithëve. Linja e Integritetit i mundëson personelit të TAP-it dhe palëve të treta të raportojnë shkelje (sjellje, veprime ose mosveprime) në përputhje me legjislacionin në fuqi, si dhe me Kodin e Sjelljes dhe Programin Model 231 të TAP. Detajet në lidhje me përdorimin dhe funksionimin e linjës së Integritetit, kush mund të raportojë shkeljet, çfarë mund të raportohet, si vlerësohen raportet dhe të drejtat tuaja shpjegohen në dokumentin e Udhëzimeve më poshtë.

Ju mund të raportoni me shkrim ose verbalisht përmes mjeteve të mëposhtme:

• Dërgoni një email te tap@tap.whistlebloweremail.com
• Plotësoni formularin në faqen e internetit duke përdorur link: https://tap.integrityline.com/frontpage
• Takimi i drejtpërdrejtë me Oficerin e Pajtueshmërisë së TAP-it (tap@tap.whistlebloweremail.com) i kërkuar nga ju, për t'u organizuar në afate të arsyeshme.
• Telefononi numrin pa pagesë në shtetin tuaj, siç është përcaktuar në kutitë e mëposhtme.

Në varësi të ligjit në fuqi, TAP do të ruajë konfidenciale të gjitha raportimet, përfshirë identitetin e raportuesit. Raportimet mund të bëhen në mënyrë anonime, përmes linjës së Integritetit, megjithatë, duhet të jepen detaje të mjaftueshme për sjelljen e pahijshme në mënyrë që të mund të vlerësohet siç duhet. Për më tepër, TAP vendos një fokus të fortë në krijimin e kanaleve të sigurta të raportimit dhe zbatimin e masave për të parandaluar sjelljet haklmarrëse. Kjo do të thotë se ka një tolerancë zero ndaj hakmarrjes në TAP dhe çdo sjellje hakmarrëse ndaj jush ose kujtdo që raporton ose bashkëpunon në një proces zbulimi ose informacioni është shprehimisht e ndaluar.