Projektet SEI në Itali

TAP-i ruan një dialog të vazhdueshëm me komunitetet lokale për të zhvilluar projekte të reja, të miratuara bashkarisht për Investime Sociale dhe Mjedisore (SEI), që mbështesin prioritetet e zhvillimit të komuniteteve.

Fushat prioritare të investimeve përfshijnë:

• Jetesën: me vëmendje të veçantë tek turizmi, bujqësia dhe peshkimi.
• Menaxhimi mjedisor: bujqësia dhe mjedisi detar;
• Cilësia e jetës së komunitetit: shërbimet dhe infrastruktura.

Një sërë projektesh që kontribuojnë në kauza sociale dhe mjedisore janë zbatuar në Itali nëpërmjet programit SEI të TAP, duke përfshirë:

• përfitimi i peshkatarëve vendas përmes projektit 'Në të njëjtën varkë', në saj të të cilit peshkimi në San Foca u be më i sigurt dhe më i qëndrueshëm
• financimi i 35 bursave për diplomë Master në kualifikimet e Menaxhimit të Mikpritjes
• programi TAP Start, i cili ofron grante të vogla për organizatat jofitimprurëse që zbatojnë projekte në fushën e sportit, kulturës, mjedisit dhe çështjeve sociale.
• programi MENA për të trajnuar pronarët dhe menaxherët e restoranteve në menaxhimin e restoranteve, teknikat e gatimit dhe transformimin e produkteve ushqimore vendase
• një program për mbetjet detare për të vlerësuar praninë e mbeturinave detare në një shtrirje të vijës bregdetare të Adriatikut rreth 30 kilometra (Vernole, Lecce dhe Melendugno)
• TAP-i ofroi financim për Mbikëqyrjen Kombëtare për Trashëgiminë Kulturore Nënujore në Itali, për restaurimin e artefakteve qeramike me interes të konsiderueshëm arkeologjik, të zbuluara gjatë shtrimit në det të tubacionit në shtratin e detit të Kanalit të Otrantos. Mbështetja e TAP-it i mundësoi gjithashtu këtij institucioni ekspozimin e artefakteve të restauruara në Taranto për një periudhë 18 mujore. 
• TAP dhuroi instrumente muzikore për programin muzikor të Shkollës 9-vjeçare të Melendugnos.
• Që nga viti 2024, TAP ka mbështetur "Blu Festival", programi veror i aktiviteteve kulturore dhe argëtuese të organizuar nga Bashkia e Melendugnos.