Reduktimi i emetimeve
Me përkushtmin për një të ardhme të qëndrueshme të sektorit të energjisë, Gazjellësi Trans Adriatik ka ndërmarrë udhën drejt dekarbonizimit, e cila u jep përparësi nismave me ndikimin më të lartë në reduktimin e emetimeve të gazeve me efekt serë, si dhe rritjen e masave për efiҫiencë energjetike.
Në TAP, kemi për synim të garantojmë që rruga drejt një ekonomie me emetime të ulëta të karbonit të bëhet në mënyrë të qëndrueshme.
Gjatë fazave të planifikimit, projektimit dhe ndërtimit të gazsjellësit, kemi përzgjedhur me kujdes pajisjet, filozofinë operuese dhe praktikat për reduktimin e emetimeve, me qëllim arritjen e pragut kritik të cilësisë së ajrit dhe zbatimin e parimit të teknikave më të mira të disponueshme (BAT).
Shembull i tillë është edhe përzgjedhja e turbinave të gazit me efikasitet të lartë me teknologji suplementare për reduktimin e emetimeve të oksid të azotit, monoksidit të karbonit dhe gazit të pa djegur, kontrollin optimal dhe planifikimin e testimit për të minimizuar emetimet e lidhura.
Tani që është plotesisht në aktivitet tregëtar, TAP ka zhvilluar një Strategji për Rrugën drejt Tranzicionit të Energjisë me qëllim arritjen e neutralitetit klimatik deri në vitin 2050. Plani i Menaxhimit të Karbonit (CMP) 2022-2025 është pjesë e kësaj Strategjie më të gjerë afat-shkurtër, afat-mesëm dhe afatgjatë të tranzicionit të energjisë, duke identifikuar burimet kryesore të emetimit, përcaktimin e objektivave të reduktimit të emetimeve të gazeve me efekt serë dhe përshkrimin e iniciativave vit pas viti, për të arritur këto objektiva.
Në vitin 2025, Gazsjellesi TAP synon të reduktojë emetimet e gazeve me efekt serë me 5%, emetimet e tij globale të metanit me 8% dhe emetimet e lira me 54% krahasuar me parashikimin e vitit 2022.
Në fund të vitit 2022, TAP u bë pjesë e Oil & Gas Methane Partnership (OGMP 2.0), një nismë vullnetare, pjesë e programit të Kombeve të Bashkuara për Mjedisin (UNEP), e cila synon të ndihmojë kompanitë e hidrokarbureve dhe gazit në menaxhimin sistematik të emetimeve të metanit. TAP synon të përfitojë statusin e OGMP 2.0 "Gold Standard" deri në vitin 2025, i cili do të reflektojë planet e TAP-it për të matur dhe reduktuar emetimet e metanit.
Ne jemi anëtar i regjistruar në Regjistrin mbarë Evropian “European Pollutant Release and Transfer Register” (e-PRTR), i cili siguron akses në të dhëna mjedisore kyҫe të strukturave industriale të Shteteteve Anëtare të Bashkimit Evropian dhe atyre të Islandës, Lihtenshtajnit dhe Norvegjisë.
