Urgjencë

Kërkesat e huadhënësve

Gazsjellësi Trans Adriatik është angazhuar vullnetarisht në përmbushjen e standardeve mjedisore dhe sociale, të cilat kërkohen nga huadhënësit ndërkombëtarë.

TAP angazhohet në përmbushjen e kërkesave të performancës të Bankës Evropiane për Rindërtim dhe Zhvillim (BERZH), Bankës Evropiane për Investime (BEI) dhe tre agjencive kreditore të eksportit, të përcaktuara në Marrëveshjen e Kushteve të Përgjithshme të Financave të Projektit (MKPFP). 

Për të siguruar se projekti zhvillohet dhe operohet në përputhje me MKPFP-në, TAP ka përfunduar procesin për plotësimin e procesit të Vlerësimit të Ndikimit Mjedisor dhe Social (VNMS).

Edhe Paketa Informuese Shtesë për Huadhënësit (SLIP) dhe sistemi i menaxhimit të Çështjeve Mjedisore, Sociale dhe Trashëgimisë Kulturore (MSTK) u zhvilluan në përputhje me kërkesat e huadhënësve.

Përmbajtja e SLIP-it plotëson materialin që i jepet palëve të interesit përmes programeve të TAP për angazhimin në shkallë të gjerë. 

TAP Përmbyll Financimin prej 3.9 Miliard Euro të Projektit

Baar, Zvicër. Gazsjellësi Trans Adriatik (TAP), si një nga projektet më strategjike në Evropë, ka arritur me sukses mbylljen financiare të projektit në dhjetor 2018, duke siguruar 3.9 miliard Euro – financimi më i madh i miratuar për projektet infrastrukturore në Evropë gjatë vitit 2018.
Lexo më shumë

Informacion për financat e projektit

TAP angazhohet në menaxhimin efikas të risqeve dhe mundësive që lidhen me ndikimet mjedisore, sociale dhe të trashëgimisë kulturore (MSTK) në shëndet, siguri e sigurim, dhe ofrimin e përfitimeve për komunitetet vendase. Qasja jonë kundrejt menaxhimit të këtyre risqeve pasqyron shkallën dhe natyrën e aktiviteteve të TAP.
TAP ka kryer VNMS në Greqi, Shqipëri dhe Itali, të cilat u miratuan nga autoritetet përkatëse kompetente të vendeve pritëse në 2013-n dhe 2014-n. U miratuan edhe ndryshimet e VNMS-ve të cilat reflektonin ndryshimet e objektit të projektit. VNMS-të e miratuara të TAP, së bashku me ndryshimet e tyre, gjenden këtu.

TAP angazhohet në përmbushjen e politikave aktuale mjedisore dhe sociale të këtyre institucioneve, përkatësisht të:

  • Kërkesave të Performancës së BERZH (KP-të nga 1-shi te 6-a dhe nga 8-a te 10-a) sipas Politikës Mjedisore dhe Sociale të BERZH-it (2014)
  • Praktikat dhe Standardet Mjedisore dhe Sociale të BEI-së (2013)
  • Standardet e Performancës së IFC-së (SP nga 1-shi te 6-a dhe 8-a) (Janar 2012)
  • Udhëzimet e Përgjithshme të IFC-së për MShS-në (2007)
  • Udhëzimet e IFC-së Specifike për Industrinë
    • Udhëzimet e IFC-së për MShS-në për Zhvillimin e Naftës dhe Gazit në Seksionin Tokësor (2007)
    • Udhëzimet e IFC-së për MShS-në për Zhvillimin e Naftës dhe Gazit në Seksionin Detar (2015)
  • Parimet e Ekuatorit III (2013)
  • Qasjet e Përbashkëta të OECD-së (2012)