Mbrojtja mjedisore

TAP është angazhuar plotësisht në mbrojtjen e mjedisit. Ne kemi mbledhur të dhëna të bollshme për të kuptuar ndjeshmëritë mjedisore dhe sociale përgjatë gjurmës, për të ndihmuar në kryerjen e operacioneve dhe zbutjen e risqeve. Këto na mundësojnë t’i menaxhojmë risqet dhe mundësitë mjedisore, sociale dhe të trashëgimisë kulturore (MSTK) me efikasitet.

Shmangia dhe minimizimi i ndikimeve mjedisore dhe sociale, si dhe zbatimi i proceseve të zbutjes, menaxhimit dhe rehabilitimit janë thelbësore për parimet e TAP. Këto parime janë në themel të operacioneve tona dhe të sistemit të MSTK-së së TAP, çka do të thotë se qëndrueshmëria është plotësisht e integruar në proceset tona të punës.

Gjurma e gazsjellësit dhe vendndodhjet e objekteve mbi sipërfaqe janë zgjedhur në mënyrë të tillë që të shmangen ndjeshmëritë MSTK kur është e mundur. Objektet tona operojnë në përputhje me kërkesat vendore të tre vendeve tona pritëse, direktivat përkatëse të BE-së dhe kërkesat e qeverisjes së TAP.

Sistemi ynë i menaxhimit MSTK, i certifikuar nga ISO 14001, është përafruar me standardet përkatëse kombëtare dhe ndërkombëtare, kushtet e lejes dhe politikat e institucioneve të financave të projektit. Ai paraqet një kuadër gjithëpërfshirës të kontrolleve dhe monitorimit të performancës, për të integruar standardet e MSTK-së në operacionet tona.

Menaxhimi i performancës së MSTK-së bazohet në procesin dinamik të vlerësimit, planifikimin e aktiviteteve, menaxhim, zbutje dhe monitorim, duke përdorur kuadrin e sistemit të menaxhimit të ISO 14001, i cili përbëhet nga:

• Planifikimi
• Zbatimi
• Kontrolli i veprimeve korrigjuese

• Rishikimi i menaxhimit

Monitorimit i performancës sociale dhe mjedisore nga vetë TAP mbështetet nga monitorimi i ndërmarrë nga:

• Autoritetet kompetente të tre vendeve pritëse
• Institucionet financiare të projektit dhe konsulentët e tyre të pavarur mjedisorë dhe socialë
• Grupi i pavarur i monitorimit mjedisor dhe social, anëtarët e të cilit përfshijnë edhe specialistë vendas